Un añu más, un añu menos pa la oficialidá

Uviéu. Manifestación pola Oficialidá. Foto Pablo Lorenzana

Diz el mio bon amigu (y profesor d’Historia nun institutu) Faustino Zapico, a la puerta d’otra manifestción pola reivindicación llingüística n’Asturies (3 mayu, 19.30 hores, Estación del Norte, Uviéu) que “ye un añu más, un añu menos pa la oficialidá”. Préstame esa visión optimista nuna coxuntura xeneral tan mala tanto no económico, como no social y no que tien que ver cola llingua asturiana. Y préstame esa visión porque, precisamente, una mirada optimista ye lo que nun nos sobra nestos tiempos, sobre manera nuna sociedá tan pesimista y derrotista como l’asturiana. Sí, somos pesimistes pola nuestra propia idiosincrasia.

Casos piscolóxicos y/o antropolóxicos aparte, esti vienres 3 de mayu ye de derechu salir a la cai a reclamar lo que ye de xusiticia: que l’asturianu tenga’l mesmu estatus llegal que’l castellanu. Nin más, nin menos.

Y ye de xusticia porque nel añu 2013 siguimos tando nuna situación llaceriosa. La falta d’esi reconocimientu llegal (por nun dicir oficialidá, qu’esti términu produz alerxa a munches persones) ta provocando, por exemplu, que les persones que trabayen con esti idioma (otra de les palabres tabú), tean nuna situación totalmente precaria. Esa falta d’estatus llegal y la non reconocencia de la Especialidá de Llingua Asturiana, ta faciendo que les condiciones de les y los interinos de la enseñanza sían les más precaries dientro d’esti colectivu (un fechu que lleven denunciando hai tiempu sindicatos minoritarios y la Xunta pola Defensa de la Llingua Asturiana [XDLA]). Y ye qu’estos trabayadores viven de contino nuna situación d’inestabilidá poque  nun se-yos da la oportunidá de presentase a unes oposiciones y d’esta manera poder regular d’una vez la so situación.

Estos son namás dos exemplos dientru l’ámbitu educativu, pero les coses nun tán meyor nos Servicios de Normalización Llingüística (SNL) nos conceyos porque, según denuncia la XDLA, aparte “de les irregularidaes bien conocíes” nos procesos de contratación, desque s’empieza a trabayar la situación d’estes persones “nun ameyora”, y ye que la mayor parte d’elles carecen de contratos añales  o semestrales “ensin que l’Alministración local o autonómica garantice la continuidá del SNL”.

Nel ámbitu audiovisual asturianu, según un informe de la XDLA, llama l’atención pola cuasi inexistencia de trabayadores qu’usen l’asturianu. “La TPA namás emite un 4,6 % de la so programación n’asturianu y la RPA un 1,8 %”. Amás, la XDLA denuncia que na plantiya del ente públicu de comunicación “nun hai naide qu’use l’asturianu como llingua vehicular”.

Estos son namás un bon piñu d’exemplos nos que se reflexa que’l reconocimientu llegal del asturianu ye’l reconocimientu de les persones que trabayen con esti idioma y detrás de toes eses reivindicaciones pola normalización llingüística tán tamién les reivindicaciones pa que la xente tenga unes condiciones llaborales dignes y s’acabe cola precariedá.

Les coses nun pinten bien, pero podemos cambiales. Y yo, como’l mio amigu Zapico tamién creo que falta un añu menos pa la oficialidá.

Anuncios

2 pensamientos en “Un añu más, un añu menos pa la oficialidá

  1. Lamentablemente entá hai xente que siente vergüenza de falar na so llingua, anque, afortunadamente, cada vez son menos. Los medios de comunicación tradicionales y los políticos tampoco s’esforcien enforma nel so espardimientu.
    Hai que perseverar, como dixo Unamuno “La manera de dar una vegada nel clavu ye dar cien veces na ferradura” . Alantre

  2. Ojalá sea cierto. Está bien ser optimismas, pero tb tenemos que luchar. Yo me incluyo la primera que hablo ‘entreguín’ que no ye lo mismo que el asturiano de verdad que no lu sé. Esperemos que un día, todos sepamps la nuestra lengua y llegue a ser oficial.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s