El movimientu de revindicación llingüística toma’l centru d’Uviéu en defensa del asturianu

La manifestación pola oficialidá convocada pola Xunta pola Defensa de la Llingua Asturiana (XDLA), por cuenta del  XXXIV  edición del Día de les Lletres, axuntó a cerca de 5.000 persones, según los datos facilitaos pola propia organización , que percorrieron les cais d’Uviéu acompañaes del sol, que depués de dellos años d’ausencia quixo tar presente nesta marcha reivindicativa.

Cerca de les 20 hores la marcha abríase camín, dende la Estación del Norte, precedida, como ye tradición, por una gran banderola d’Asturies seguida por un grupu de gaiteros. El bon tiempu, en comparanza con ediciones anteriores, foi ún de los temes destacaos de conversación ente los manifestantes, que fixo que muncha xente s’animara a participar nesti actu.

La banderona d'Asturies y un grupu de gaiteros abrió la marcha reivindicativa. Foto: Pablo Lorenzana.

La banderona d’Asturies y un grupu de gaiteros abrió la marcha reivindicativa. Foto: Pablo Lorenzana

Amás de la XDLA, plataforma convocante, foren munches les organizaciones, sindicatos y partíos políticos los que se sumaren a participar nesta xornada en defensa de los derechos llingüísticos como por exemplu: Izquierda Xunida, Compromisu por Asturies, Conceyu Abiertu, CC OO Enseñanza, SUATEA, CSI, Asamblea de Maestros de Llingua Asturiana y Gallego-Asturiano, CSA La Semiente…

El centru de la capital asturiana enllenóse de banderes asturianes. Foto: Pablo Lorenzana.

El centru d’Uviéu enllenóse de cánticos reivindicativos en favor de la llingua. Foto: Pablo Lorenzana.

Como ye tradición la protesta reivindicativa acabó a les puertes del Teatru Campoamor onde, de siguió, celebróse l’actu institucional del Día de les Lletres Asturianes, organizáu pola Academia de la Llingua Asturiana. Momentos enantes la XDLA agradeció a los participantes la so presencia na manifestación “por festexar un pasu dignu y por reclamar de contino un presente xustu y un futuru que tenemos que facer posible”. De seguío, Veronica Álvarez Cachafeiro pasó a lleer el discursu nel que denunció que nunca como agora “fomos quien a percibir el fedor que sal de la nuestra casta gobernante y del so réxime de mediocridá y intereses”. Estes primeres palabres foron correspondíes con  conseñes de los manifestantes pidiendo la oficialidá del asturianu.

El bon tiempu acompañó a lo llargo de la xornada. Foto: Pablo Lorenzana.

El bon tiempu acompañó a lo llargo de la xornada. Foto: Pablo Lorenzana.

Álvarez Cachafeiro recordó que yá van más de trenta años “reivindicando, esixendo” un tratu igualitariu y “pidiendo” namás derechos, pero la respuesta de los partíos gobernantes “foi siempre la mesma: mirar pa otru llau”. Y aseguró que nestes tres décades la clase política asturiana tuvo tola capacidá, competencies y oportunidaes pa reconocer derechos fundamentales. “Pero nun-yos da la gana solucionar la igualdá de tratu y derechos pa la ciudadanía”.

Otra manera, la XDLA mostró la preocupación pola amenaza de la llamada “Llei Wert” pal sistema educativu en xeneral y pal futuru de la enseñanza de la llingua en particular. “Nun nos val el yá veremos y muncho menos el va quedar como ta, porque eso ye una llaceria”, criticaron.

La plataforma de defensa de los derechos llingüísticos tamién tuvo palabres pal gobiernu de Javier Fernández y dende la XDLA espresaron que’l PSOE “sabe de sobra que si nun hai igualdá de derechos llegales, si nun hai una política decidida de normalización social, la llingua asturiana ta condenada  a dexar de falase”. Amás, nel so discursu recordóse la situación del asturianu na RTPA y criticóse que la voluntá de los nuestros gobernates “vese bien a les clares n’asuntos como los medios de comunicación públicos y l’aplicación de la toponimia”. Nesti sentíu, la XDLA fixo referencia a un estudiu publicáu hai poco sobre’l tratamientu del idioma nel ente públicu de comunicación asturianu, onde una de les sos conclusiones ye que l’enfoque que se-y da a l’asturianu en porcentaxes y temátiques “ye asemeyáu al que la televisión franquista daba al catalán”.

Pa poner el ramu a la marcha reivindicativa, la XDLA convidó a toles persones a participar nel Conciertu pola Oficialidá que se va celebrar el 8 de xunu en Xixón.

 

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s