La XDLA presenta la XXV edición del Conciertu pola Oficialidá

La XDLA na manifestación pola oficialidá de la llingua celebrada'l mes de mayu pasáu.

La XDLA na manifestación pola oficialidá de la llingua celebrada’l mes de mayu pasáu.

Hoi martes 4 de xunu, a partir de les 20 hores, na Plaza’l Pescao d’Uviéu, la Xunta pola Defensa de la Llingua Asturiana (XDLA) va facer la presentación del yá tradicional Conciertu pola Oficialidá. La d’esti añu ye una edición especial al cumplise 25 años. De mano, nun hai nada que celebrar, pues yá ye mediu de sieglu nel que mui poco s’avanzó nesta materia. Pero, al empar, nun dexa de ser una fecha significativa y la XDLA quier facer dalgo especial. Ello ye que dende la plataforma de defensa de los derchos llingüísticos de los asturfalantes van llevar alantre una esposición de carteles d’estos 25 años de conciertos que se va poder visitar dende’l 4 hasta’l 8 de xunu, cola que quieren facer un homenaxe a los múscos que participaron de manera desinteresada nesti mediu sieglu en dalguna edición de los conciertos.

Yera l’añu 1989 cuando Avilés acoyó la primer edición del Conciertu pola Oficialidá, na que participaren Dixebra, Balandrán, Grupo de Gaites Urriellu, Llan de Cubel, The Podres y la Banda de Gaites Naranco. Dende finales de los ochenta hasta hoi, pel escenariu d’esti actu musical y reivindicativu pasaren más de 70 grupos. Ye por ello que la XDLA quier tamién agradecer a toos estos músicos el so llabor comprometíu cola llingua asturiana. Nel actu de presentación, amás d’inaugurar la esposición, va presentase’l cartel del conciertu d’esti añu, un eventu que se va celebrar el 8 de xunu, nel Parque inglés (Xixón), a partir de les 19.30 hores y que va contar colos grupos N’Arba, Felpeyu, La Tarrancha, La Bandina, Dixebra y Dani Stylo.

Otra manera, nos actos de presentación del martes 4 de xunu na Plaza’l Pescao, el grupu  Asturiana Mining Company (ganadores del Premiu al Meyor Cantar en Llingua Asturiana 2012) va dar un conciertu pa tolos asistentes.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s