25 años comprometíos cola llingua asturiana

Dellos de los músicos que participaron en dalguna edición del Conciertu pola Oficialidá. Foto: Iván G. Fernández.

Dellos de los músicos que participaron en dalguna edición del Conciertu pola Oficialidá. Foto: Iván G. Fernández.

Dende’l martes 4 de xunu y hasta’l día 8 d’esti mesmu mes la Plaza’l Pescao d’Uviéu ye l’escaparte del homenaxe que la Xunta pola Defensa de la Llingua Asturiana (XDLA) quier face-y a los músicos asturianos que participaron en dalguna edición del Conciertu pola Oficialidá y que cola d’esti añu cúmplense 25. Un homenxe que consiste nuna esposición de los cartelos d’estos 25 años de música pola oficialida. Por cuenta d’esta fecha significativa, ayeri 4 de xunu foi’l pistoletazu de salida d’una selmana reivindicativa que va acabar el sábadu 8 de xunu en Xixón (Parque Inglés, dende les 19.30 hores) col conciertu d’esti añu, nel que van participar Felpeyu, N’Arba, Dixebra, La Tarrancha, Dany Estylo y La Bandina. Hasta la Plaza’l Pescao foron munchos los músicos que s’averaren pa poner de manifiestu, una vez más, el so compromisu col asturianu. Per ellí dexáronse ver dellos componentes de Dixebra, La Bandina’l Tombo, Fala non Caduca, Balandrán, Xera, La Cigua, La Tarrancha, La Bandina, Cuerria o Los Berrones. Nel actu, Carlos Pulgar (portavoz de la XDLA) quixo dar les gracies a los músicos que “participastis y tais participando” nel Conciertu pola Oficialidá”. Amás, Pulgar destacó que la esposición quier ser un percorríu “modestu pero significativu” per un cachín de la historia d’Asturies. Esti añu cúmplense un cuartu de sieglu de música y folixa pero, sobre manera, “de compromisu y reivindicación” de la xente de la música asturiana y n’asturianu “que fuistis quién a llevantar un sector y una industria  que ganó ún de los pocos espacios de normalidá pa la llingua asturiana”, reconoció’l portavoz de la XDLA que tamién  reconoció que gracies a los músicos “el panorama cambió” y, anguaño, “pocos son los grupos asturianos que nun se planteen cantar les sos composiciones dafechu o en parte n’asturianu”. Pulgar aseguró que’l Conciertu pola Oficialidá “ayudó a qu’esi ambiente fore posible”. Otra manera, ye un fechu que de la collaboración ente los artistes y la XDLA nacieron una montonera d’iniciatives: dende actuaciones pa sacar perres pa sofitar campañes del movimientu de reivindicación llingüística, hasta discos reivindicativos. Nesi sentíu, Pulgar punxo de manifiestu “la precariedá de medios” na que siempre se movió la XDLA y que “nos obligó a pidivos ayudaa vosotros, los músicos, otru sector que tamién se mueve nesa cuerda floxa, pa qu’echareis un gabitu. Y siempre atopemos ayuda”. P’acabar, el portavoz de la XDLA destacó que’l valir del actu “nun ta nos cartelos, sinón no  que ta detrás d’ellos; nes hores y hores de trabayu, compromisu y música que representen”. Nesti actu nun s’escaeció a los artistes asturianos que participaron nos conciertos y “hoi yá nun tán equí ente nosotros pa siguir celebrando y reivindicando”, recorsó Pulgar. De siguió, dio pasu a l’actuación de l’Asturiana Mining Company que foi la encargada de poner el ramu a la xornada inaugural de la esposición.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s