Virgili: “Nel Ente Públicu de Comunicación nun hai contratación illegal”

Antonio Virgili, director en funciones de RTPA nuna imaxe d'archivu. Foto: Pablo Lorenzana.

Antonio Virgili, director en funciones de RTPA nuna imaxe d’archivu. Foto: Pablo Lorenzana.

Antonio Virgili, director en funciones del Ente Públicu de Comunicación del Principáu d’Asturies, comparecía esti miércoles 19 de xunu a petición del grupu parllamentariu popular nuna comisión de control na Sala Martínez Marina de la Xunta Xeneral. Depués de la so comparecencia, na que namás el PP y el Grupu Mixtu fixeron usu del so turnu de preguntes, Virgili atendió amablemente a PERIODISMO ASTURIANO.

¿Foi una sorpresa la querrella contra dos directivos de Radio Televisión del Principáu d’Asturies (RTPA) por supuesta contratación illegal?

Sorpresa, sí, claro. Evidentemente foi una sorpresa tener conocimientu d’esi fechu. Pero poco más puedo dicir porque, de momentu, nun tenemos más que les dilixencies previes que fixo’l Xulgáu númebru cuatru de Xixón, onde nos pidió una documentación que-y facilitemos.

¿Hai contratación illegal nel Ente Públicu qu’usté dirixe?

¿Contratación illegal? Non, non, por dios. Rotudamente non. Agora bien,  otra cosa sía que determinaes circustancies o contrataciones que pudiese haber, xenerasen dalguna dulda que, por sentencies xudiciales, se considerasen que se fixeron mal. Pero toi col conocimientu plenu y absolutu de que tamos trabayando cola llegalidá vixente.

Otra manera, problema singular ye lo que mencionaremos enantes en cuantes al tema de les cesiones illegales y que, ta claro qu’hai que-y poner igua rapidamente, porque al final los más perxudicaos en tou esti procesu son los propios trabayadores.

¿Cómo s’entiende que la TPA-y pueda dar una licitación de les corresponsalíes de los informativos locales a una empresa que ta en concursu d’acreedores?

Nesi sentíu, parezme que la mio opinión nun val de nada, porque lo relevante en tou esti procesu, más allá de les opiniones que pueda tener caún, ye qu’esta adxudicación -nun tenemos que perdelo de vista- llévase alantre al traviés d’una convocatoria pública. Polo tanto, les regles del xuegu son asina y nun les establez la dirección de la cadena, sinón que tán sometíes a la normativa qu’hai vixente nesti sentíu de contratación de sector públicu. Entós, siguiendo les normes y xulgando exclusivamente -porque namás ye lo que se pue xulgar- les ofertes presentaes per escritu a la televisión, la mesa de contratación, analizando de manera detallada la oferta última que presenten les empreses que participaron nel concursu, considera que ye la meyor oferta. Ta claro que, yo como director xeneral, analizando’l trabayu de la mesa tengo que dicir que fixo un gran llabor. L’adxudicataria ye VAV Producciones como lo podía ser otra empresa. Ye verdá qu’esa empresa ta agora mesmo con dificultades económiques y tamién ye verdá que toos desearíemos que la empresa adxudicataría nun tuviera nesta difícil situación, pero nun hai causa llegal, y esto quiero dexalo bien claro, pa nun facer esa adxudicación cuando la empresa taba en preconcursu d’acreedores. Amás, tampoco hai causa llegal pa que, una vez formalizáu’l contratu, la empresa entre en concursu d’acreedores y cancelemos esi contratu. A día d’hoi, nun podemos olvidar que pa esa empresa trabayen 50 persones. Entós, más p’allá de VAV, tamién m’importa lo que significa’l contratu de VAV en cuantes a la contratación qu’hai detrás d’esi contratu.

Otra manera, ¿qué opinión tien sobre la comisión de control d’esta mañana, a petición del PP, onde los populares insistieron en que la televisión pública asturiana “ta al serviciu del partíu gobernante”?

Prefiero nun facer valoraciones polítiques porque nun diba ser benficioso pa la cadena y, polo tanto, como director xeneral parezme que me tengo que ciñir única y exclusivamente a les cuestiones qu’afecten a la xestión de la RTPA y les valoraciones polítiques déxoles pa los políticos.

De toles maneres, yo con munchu gustu comparezo y, como decía na exposición previa, creo firmemente que la xestión pública tien que facese con tresparencia y nun tengo incoveniente nengún n’asistir a la comisión de control. Depués yá ye un xuegu parllamentariu y políticu que prefiero que lu xulguen otres persones.

Voi al Conseyu d’Alministración del Ente, onde soi miembru de plenu derechu, y ehí damos cuenta con tolos detalles que se soliciten del día a día del funcionamientu de la RTPA y ta claro qu’hai munchu trabayu per delantre, munchos problemes y mui graves que requieren de munchu esfuerciu y del apoyu de toos porque sinón nun s’igüen. Y cuando digo “toos” refiérome a toles partes implicaes: políticos, dirección de la cadena, sindicatos, los propios trabayadores, les empreses proveedores… Y d’esta manera sacalo alantre o pasar esti Rubicón.

Anuncios

Un pensamiento en “Virgili: “Nel Ente Públicu de Comunicación nun hai contratación illegal”

  1. Pingback: RTPA: querella criminal contra dos directivos por supuesta contratación irregular | Periodismo Asturiano

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s