Dellos conceyos asturianos van aprobar les mociones d’apoyu a la Querella Arxentina

Fosa común, Uviéu. Foto: Pablo G. Pando.

Fosa común, Uviéu. Foto: Pablo G. Pando.

Hai más de tres meses un grupu de ciudadanes y ciudadanos asturianos vienen trabayando nel espardimientu y apoyu a la querella arxentina contra’l franquismu por delitos de xenocidiu y lesa humanidá. Esti movimientu ciudadanu forma parte de la Rede Aqua y sigue’l so métodu de trabayu: la declaración institucional d’apoyu aprobada pol Parllamentu Vascu’l 20 de xunu por tolos grupos políticos, sacante’l PP -que votó encontra- y UPyD que s’abstuvo al considerar que’l testu “partía de la esquierda abertzale”. La Plataforma Vasca pa la Querella contra los Crímenes Franquistes lleva meses trabayando de manera conxunta colos grupos parllamentarios del País Vascu y gracies a esti esfueciu dellos conceyos yá aprobaren les sos mociones. Ye’l casu de Donostia, Gasteiz, Guernica, Iruña o Eibar, por poner un exemplu. Esta mesma llinia de trabayu ye la que se ta sieguiendo n’Asturies. Mantuviérense reuniones coles direcciones de la Federación Socialista Asturiana (FSA) y d’Izquierda Xunida (IX), empobinarase a dellos conceyos y falarase colos sos grupos municipales. El resultáu d’esti trabayu ye que’l 27 de xunu van presentase mociones d’apoyu a la querella nos conceyos de L.lena, Mieres y Ayer, ente otros. Amás, nestos meses van sumase otros conceyos. La intención d’esta plataforma cívica ye siguir sumando l’apoyu de les instituciones asturianes a la querella y, amás, el de tola ciudadanía cola recoyida firmes d’adhesión. Nel so plan de trabayu ta tamién presentar la querella a tolos grupos parllamentarios de la Xunta Xeneral, cola intención de que s’apruebe una declaración institucional apoyándola. Nesi sentíu, la plataforma ciudadana aclara que la proposición non de llei que’l grupu d’IX rexistró hai poco na Xunta Xeneral, acompañada de delles asociaciones “y de les que supimos al traviés de la prensa, nun partió del grupu asturianu d’apoyu a la Querella Arxentina). Otra manera, dende esti grupu quieren convidar a toles asociaciones que quieran participar a sumase a esta plataforma porque “con esi enfotu d’axuntar fuecies, nos constituyimos”, espliquen.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s