Arranquen n’Asturies los actos del Día Internacional del Arguyu LGTB 2013

Cartel del Día Intenacional del Arguyu LGTB 2013, de Xega.

Cartel del Día Intenacional del Arguyu LGTB 2013, de Xega.

El conceyu de Llangréu va ser l’encargáu de dar el pistoletazu de salida a los actos pa conmemorar el Día Internacionl del Arguyu de Llesbianes, Gais, Transexuales y Bisexuales (LGTB), que van llevar alantre dende’l 28 de xunu hasta’l 30 d’esti mesmu mes. Esti vienres, a partir de les 11 hores,  va colgase la bandera arcu la vieya na Casa Conceyu de Llangréu. Según l’asociación Xega qu’esta bandera tea presente la Plaza del Conceyu de Llangréu “ye munchu más qu’un actu de visibilidá y normalización”, ye tamién “una muestra d’apoyu y respaldu a los y les vecines llesbianes, gais, transexuales y bisexuales de Llangréu que provién de la institución pública más importante del conceyu”.

Nesta mesma xornada del viernes 28 de xunu, los actos van tener a Xixón como protagonista. Y ye que a partir de les 18 hores empieza la tercer edición de L’Orgullín del Norte, un festival que se celebra nel camping de Deva onde s’axunten la música, folixa de prau, ginkana, fútbol, actividaes pa los neños o ludoteca, a lo llargo de tola fin de selmana.

A les 19.30, en el Salón d’Actos del Centru Municipal Integráu El Coto va facese l’Actu políticu-institucional, onde, amás de la intervención y el saludu de les organizaciones polítiques y sociales asturianes que se posicionen en favor de los derechos del colectivu LGTB, Xega va facer entrega de los tradicionales premios anuales del Ladriyu Rosa (que llama l’atención sobre actitudes de refugu y discriminación hacia’l colectivu) y del Triángulu Rosa (qu’empondera les actitudes y acciones positives d’entidaes, instituciones o persones del ámbitu asturianu en pro del colectivu). El Ladriyu Rosa 2013 recayó na figura del nuevu obispu auxiliar d’Uviéu, Juan Antonio Menéndez, poles sos declaraciones na prensa local asturiana “nes que sigue valorando les rellaciones homosexuales como pecaminoses y esixendo que’l colectivu LGTB se mantenga nel armariu, como única forma de poder ser admitíos nel senu de la Ilesia”. Otru llau, el Triángulu Rosa concedese al programa Ni ogros ni princesas, encabezáu polo Conseyería de Sanidá del Principáu d’Asturies, por ser una iniciativa “que pretende abordar la educación sexual na Educación Secundaria, con especial incidencia nel respetu a la diversidá sexual y de xéneru”. L’accesu a esti actu ye de baldre.

Otra manera, el sábadu 29 va celebrase la tradicional manifestación baxo’l lema “Xóvenes ensin armarios” que va salir de la Plaza’l Parchis de Xixón a les 19.30 hores. Depués de percorrer delles cais de la villa de Xovellanos va llegar a la Plaza del Conceyu onde se va lleer el Manifestu del Arguyu LGTB Asturies 2013.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s